Bakıda azyaşlının ölümü ilə nəticələnən yol qəzası baş verib.

Panarama.az xəbər verir ki, dünən saat 15:50 radələrində Suraxanı rayonu Zığ qəsəbəsində İsgəndər Ədilov idarə etiyi “Kia Rio” markalı avtomobillə 2017-ci il təvəllüdlü Abdulhəlim Musayevi vurub. Ağır xəsarətlər alan 6 yaşlı oğlan xəstəxanaya aparılarkən yolda ölüb.

Oxşar hadisə Şəmkir rayonunda da baş verib. Dünən saat 13 radələrində Sabirkənd kəndi ərazisində Əvəz Mustafayev idarə etdiyi “VAZ 2107” markalı avtomobillə 2018-ci il təvəllüdlü Sahil Məmmədovu vurub. 5 yaşlı uşaq hadisə yerində həyatını itirib. Hər iki hadisə ilə bağlı cinayət işi başlanılıb, araşdırma aparılır./Qafqazinfo