Bakının Sabunçu rayonunda bir nəfər bıçaqlanıb.

Panarama.az APA-ya istinadən xəbər verir ki, hadisə Zabrat qəsəbəsində baş verib.

Belə ki, 1989-cu il təvəllüdlü Abdulla Bayram oğlu Abbasquliyev dava zamanı bıçaqlanıb.

Yaralı çoxsaylı bıçaq xəsarətləri alıb və xəstəxanaya yerləşdirilib. Onun əməliyyata alındığı bildirilir.

Qeyd edək ki, A.Abbasquliyev cənazə daşıyan avtomobilin sürücüsüdür.