Biləsuvar rayonunda bu gün ərzində kütləvi dəm qazından zəhərlənmə hadisələri baş verib.

Panarama.az report.az-a istinadən xəbər verir ki, hadisələr dörd fərqli ünvanda qeydə alınıb.

İlkin məlumata görə, ümumilikdə 11 nəfər dəm qazından zəhərlənmə diaqnozu ilə Biləsuvar Rayon Mərkəzi Xəstəxanasına gətirilib. Onlar Biləsuvar rayon sakinləri - 1980-ci il təvəllüdlü R. Babayeva, 2007-ci il təvəllüdlü E. Babayeva, 2010-cu il təvəllüdlü Z. Suvarlı, 1988-ci il təvəllüdlü G. Suvarova, 2015-ci il təvəllüdlü A. Suvarov, 2009-cu il təvəllüdlü F. Məmmədzadə, 2006-ci il təvəllüdlü M. Məmmədzadə, 1979-cu il təvəllüdlü L. Məmmədova, 2012-ci il təvəllüdlü Z. Məmmədova, 1997-ci il təvəllüdlü G. İbrahimova, 1969-cu il təvəllüdlü R. Əliyevadır.

Faktla bağlı araşdırma aparılır.

-------
21:47

Biləsuvarda baş verən kütləvi dəm qazından zəhərlənmə ilə bağlı TƏBİB açıqlama verib.

Panarama.az xəbər verir ki, bu gün ərzində Biləsuvar Rayon Mərkəzi Xəstəxanasına dəm qazından zəhərlənmə şübhəsilə 11 nəfər müraciət edib.

Onların hər birinə zəruri tibbi yardım göstərilib və ambulator müalicə üçün evə buraxılıblar.