Cəlilabadda yerüstü piyada keçidi uçub.

Panarama.az Oxu.az-a istinadən xəbər verir ki, hadisə rayonun Heydər Əliyev prospektində qeydə alınıb.

Belə ki, iritonnajlı nəqliyyat vasitəsi məktəb qarşısında yerləşən yerüstü piyada keçidinə dəyərək onu aşırıb. Nəticədə yolda nəqliyyatın hərəkəti bir müddət dayanıb.

Fövqəladə Hallar Nazirliyinin məlumatına görə, qurumun Cəlilabad Rayon Yanğından Mühafizə Hissəsinin yanğınsöndürən-xilasediciləri tərəfindən yerüstü piyada keçidinin yola aşmış hissələri kəsilib kənarlaşdırılaraq yolda sərbəst hərəkət bərpa olunub.