Anemiya bir çox insanın yaşadığı problemlərdən biridir. Bəzi ədviyyatlar dərman və əlavələrlə müalicə olunan anemiyaya son qoya bilər.

Panarama.az əsasən də dəmir çatışmazlığı zamanı tövsiyə edilən ədviyyatları təqdim edir:

Karri

Qədim dövrlərindən bəri qaraciyər müalicəsində istifadə edilən karri qan əmələ gətirmə xüsusiyyəti ilə də tanınır. Tərkibindəki yüksək antioksidant sayəsində daxili orqanlar təmizlənir və dəri daha sağlam bir görünüş qazanır.
O, həmçinin sümükləri gücləndirir və osteoporozun qarşısını alır.
Karri üzərində aparılan tədqiqatlar sübut edib ki, bu ədviyyat müxtəlif xərçəng növlərinə qarşı müalicəvi xüsusiyyətlərə malikdir.

Kəklikotu

Kəklikotu K vitamini, kalsium, dəmir və manqan kimi vacib vitamin və mineralları ehtiva edir. Kəklikotu qan təzyiqini idarə etməyə kömək edir.
Qan əmələ gətirən xüsusiyyətlərə malik olan kəklikotu immuniteti gücləndirir.
Kəklikotu həm də iltihab əleyhinə xüsusiyyətlərə malikdir.

Zirə

Zirə anemiyaya yaxşı təsir edən ədviyyatlardan biridir. Qanazlığına faydalı olduğu bilinən zirə çayı orqanizmdəki dəmiri artırır. Zirədə olan B12 və A vitamini immunitet sistemini gücləndirməyə kömək edir. Tərkibindəki yüksək miqdarda C vitamini sərbəst radikallarla mübarizə aparır və orqanizmi xərçəngdən qoruyur.

Zəncəfil

Sonsuz faydaları olan zəncəfil dəmir əmələ gətirən xüsusiyyətlərə malikdir. O eyni zamanda qan şəkərini tarazlaşdırır. Ağrı kəsici xüsusiyyətləri sayəsində menstrual ağrıları aradan qaldırır.

Bu ədviyyat qanın laxtalanmasının qarşısını alır, buna görə də qan damarlarının tıxanmasına, infarkt və insulta səbəb ola biləcək ürək xəstəliklərinin müalicəsində çox təsirlidir.

Keşniş

Keşniş otu dəmir çatışmazlığına xeyirlidir və qan əmələ gətirən xüsusiyyətlərə malikdir. Tərkibindəki antioksidant sayəsində dərini bərpa edir. Yüksək kalsium mənbəyi olan keşniş sümükləri gücləndirir və sümük sağlamlığını qoruyur.

C vitamini ilə zəngin olan keşniş sinir uclarını stimullaşdırır. Bu xüsusiyyətinə görə, yuxu pozğunluğu, stress, narahatlıq və s. problemlərin qarşısını almağa kömək edir./medicina.az