Bu gün gözəllik məhsulu kimi istifadə edilən dodaq boyasının tarixi 5000 il əvvəl Mesopotamiya torpaqlarına gedib çıxır. Kral dövründə təkcə gözəllik məhsulu kimi istifadə edilməyən dodaq boyasının naməlum maraqlı tarixi var.

Panarama.az  xarici mətbuata istinadən xəbər verir ki, şumerlər yazının ixtirasını inkişaf etdirərkən, bu gün istifadə edilən makiyaj vasitələrinin ixtirasında da böyük irəliləyişlər əldə ediblər.

Dodaqlarını ilk dəfə rəngləməyə başlayan şumerlər qiymətli daşları əzib, xüsusilə dodaq və göz ətrafına vurublar.

Qədim Misir kraliçası Kleopatra o dövrdə makiyaj etmək üçün müxtəlif kimyəvi maddələri qarışdırıb istifadə edir, hətta həşəratları əzərək dodaqlarına qırmızı rəngə boyamağa çalışırdı.

Qırmızı dodaq boyası qədim zamanlarda təkcə gözəllik elementi kimi deyil, həm də sosial status göstəricisi kimi böyük əhəmiyyət kəsb edirdi. Dodaq boyasının ilk dəfə bərk olması sırf təsadüf nəticəsində oldu.

Yaxın Şərqdə ərəb alimi Abulkasis qatı ətir hazırlamaq üçün ehtiyat yığıb rənglərlə təcrübə apararkən təsadüfən bərk dodaq boyası hazırlayır.

İngiltərə kraliçası I Elizabet özü üçün xüsusi dodaq boyasından istifadə edirdi. O, köməkçiləri ilə birlikdə rəngləri gipslə qarışdırıb günəşdə qurudaraq dodaq qələmini icad edib. Kraliçanın hətta ölüm yatağında belə dodaq boyasından istifadə etdiyinə dair şayiələr var, çünki o, xəstəliyin qarşısını ala biləcəyinə inanırdı.

Kraliça Viktoriya isə makiajın saxtakarlıq və kobud olduğunu düşünərək imperatorluqda dodaq boyasını qadağan edib.

II. İkinci Dünya Müharibəsi illərində hərbi bazalarda qadınlara qırmızı dodaq boyasından istifadə etmək qadağan edilmişdi. Çünki qadınların qırmızı pomada istifadə etdiyini görən əsgərlərin mənəviyyatının pozulacağı düşünülürdü./baku.ws