Azərbaycan 192,4 min metrik tonla dünyanın 3-cü əsas xurma istehsalçısıdır.

Panarama.az  xarici mətbuata istinadən xəbər verir ki, bu barədə BMT-nin Ərzaq və Kənd Təsərrüfatı Təşkilatının (FAO) məlumatında bildirilib.

Qlobal bazarda əsas xurma tədarükçüləri Çin (3 milyon 429,4 min metrik ton), Cənubi Koreya (200,6 min metrik ton), Azərbaycan (192,4 min metrik ton), Yaponiya (187,9 min metrik ton) və Braziliya (170,2 min metrik ton) olub.

Qlobal xurma bazarının 2023-2028-ci illərdə illik 6,16 %-lik artım tempi ilə böyüyüəcəyi gözlənilir. Son nəticədə qlobal xurma bazarının həcmi 2023-cü ildə 0,84 milyard ABŞ dollarından 2028-ci ildə 1,13 milyard ABŞ dolarına yüksələcəyi proqnozlaşdırılır.

Qeyd edək ki, 2021-ci ildə xurmanın ixrac dəyəri 2018-ci illə müqayisədə 12,7 % artaraq 620,1 milyon ABŞ dollarına yüksəlib. Bu dövrdə İspaniya, Azərbaycan və Özbəkistan xurma meyvəsinin aparıcı ixracatçılarından olub.

İxracın belə artımının əsas səbəbi idxal edən ölkələrdə xurmanın yüksək qiymətləri və bir sıra ölkələrdə istehsalın təşkil olmasıdır. Almaniya, ABŞ və s. kimi istehsalı olmayan və ya az olan bir çox ölkələrdə xurma meyvələrinə tələbat yüksəkdir. Bu ölkələr Çin kimi istehsalın çox olduğu ölkələrdən idxal edirlər. Maraqlıdır ki, Çin aparıcı ixracatçı olmaqla həm də ən çox idxal edən ölkələrdən biridir.