Əncir yuyulur və qurudulur.  Əncir yarıya və ya daha kiçik parçalara kəsilir.  Kəsilmiş əncirlər bir birindən aralı şəkildə sobanın içərisinə düzülür. Soba 50°C-yə qoyulur və əncirlər qapını bir az aralı qoyaraq qurudulur.Əncirlər hər saat yoxlanılaraq tərs çevrilir. Əncir təxminən 10-12 saat ərzində tamamilə quruyur.  Qurudulmuş əncir aralarında dəfnə yarpağı olan hermetik qablarda saxlanılır. Bu üsul quru əncirin qısa müddətdə qurdlaşmasının qarşısını alır. Qurudulmuş əncir uyğun saxlama şəraitində təravətini təxminən bir il saxlayır.                                          FAYDALARI                                   Qurudulmuş əncir yüksək lif tərkibi, vitaminlər (A, B, C, K), minerallar (kalium, kalsium, dəmir, maqnezium) və antioksidanlar sayəsində bir çox faydaları özündə birləşdirir. Həzm sistemini tənzimləyir, immunitet sistemini gücləndirir, enerji verir, ürək-damar sağlamlığını dəstəkləyir, sümük və diş sağlamlığını qoruyur və dəri sağlamlığını yaxşılaşdırır.