Aktyor Hikmət Rəhimov həmkarı Sanura Cəfərovanın onun haqqında yazdığı qalmaqallı fikirlərə cavab verib.

Bu barədə sənətçi OLAY-a danışıb. O bildirib ki, aktrisa və komandasının ödənişinin gecikməsinə səbəb sponsordur:

“Sponsor ödəniş eləməlidir. Bir az gecikmə var. Bunu hamı bilir. Qayda və qanun mövcuddur”.

Qeyd edək ki, S. Cəfərova H. Rəhimovun onu bloka atdığını, “Apatiya 2” filminin çəkilişində ona və komandasına haqsızlıq edildiyini iddia edib. Hətta o, Rəhimova ödənişlərin edilməsi üçün bir həftə vaxt verdiyini yazıb.