44 günlük Vətən müharibəsində itkin düşən və bugünədək tapılmayan Asim Mehdiyevin atası Yaqub Mehdiyev vəfat edib.

Panarama.az  Qafqazinfo.az-a istinadən xəbər verir ki,  bu haqda sosial şəbəkələrdə məlumat yayılıb.

Xatırladaq ki, Ağcabədi rayonunun Yuxarı Qiyaməddinli kəndindən olan MAXE Asim Mehdiyev 2020-ci il sentyabrın     27-də başlanan Vətən müharibəsində iştirak edib. Füzuli və Xocavəndin azadlığı uğrunda gedən döyüşlərdə vuruşub. O, yeddi noyabr 2020-ci ildə Xocavənd rayonu istiqamətində döyüş tapşırığının yerinə yetirilməsi zamanı itkin düşüb.

Asim Mehdiyev ölümündən sonra “Vətən uğrunda” və “Xocavəndin azad olunmasına görə” medalları ilə təltif edilib.