Ötən gün Moskvada hər kəsin məşhurların paltar və ayaqqabılarını ala biləcəyi "VK Star Market" xeyriyyə festivalı keçirilib.

Panarama.az Axşam.az-a istinadən xəbər verir ki, satışa bir çox məşhurun geyimi çıxarılıb. Qiymətlər isə 300 rubldan 25 minə qədər olub. Bütün gəlirlər "İkinci nəfəs" fonduna bağışlanıb.

Filipp Kirkoruvn hamam xələti və pencəyi isə sərgidə ilk satılanlar sırasında yer alıb. Onun pencəyinə fanatı 25 000 rubl (təxminən 418 manat) ödəyib. Pencək bahalı brendlərdən birinə məxsus olub. Müğənni isə onu satılsın deyə, dəyərindən qat-qat ucuz qiymətə verib. Kirkorovun pencəyinin yeni sahibi onu geyinməyi düşünmədiyini bildirib. O, geyimi hərraca çıxarıb, daha baha qiymətə satacaq.

Tədbirdə Vlad A4-ün “Gucci” gödəkçəsi 14 min rubla, “İnstasamkinin” cins şalvarı 6 min rubla, Karina Krossun köynəyi isə 3 min rubla satılıb.