Adını tez-tez eşitdiyimiz suni intellekt robotu gündəmdən düşmür.

Panarama.az Referans.az-a istinadən xəbər verir ki, Türkiyədə olduqca məşhur olan "Mevzular Açık Mikrofon" verilişinin yeni buraxılışı ölkə gündəmini silkələyib.

Tanınmış musiqiçi, rejissor, ssenarist, karikaturaçı və eyni zamanda aparıcı olan Oğuz Uğurun təqdimatında baş tutan verilişdə suni intellekt robotu ilə söhbət edilib.

Sofiyaya səhnədə əyləşən tamaşaçılar maraqlı suallar ünvanlayıb. Sofiyanın da cavabları olduqca maraqlı olub.

İnsanabənzər robot Sofiyanın zalda əyləşən bir nəfərin “İnsan olmaq istəyirsənmi” sualına verdiyi cavab tamaşaçıları qəzəbləndirib. İnsanlara zavallı deyərək təhqir edən Sofiyaya cavab aparıcı Oğuzhan Uğurdan gəlib. Sofiya aparıcının cavabından təəccüblənib.

Qeyd edək ki, verilişin tam versiyası sentyabrın 5-də yayımlanacaq.

 Qeyd edək ki, Sofiya14 fevral 2016-cı ildə aktivləşdirilib. O, ilk dəfə 2016-cı ilin mart ayının ortalarında ABŞ-ın Texas ştatının Ostin şəhərində "South by Southwest"də ictimaiyyətə təqdim edilib.