Qoç - hadisələrin axarına süni təsir etməyin. Məcra sizi gözlənilməyən yerə ata bilər. Durumdan şikayətlənməyə dəyməz. Aktiv olun. Gün maraqlı, qeyri-adidir.

Ruhdan düşməyn, situasiyadan faydalanmağa çalışın.

Günün ikinci yarısında sərt davranmayın, səbəbsiz aqressivlik etməyin. Yaxın ətrafınızdakı insanların sizində bağlı fikirləri və mövqeləri dəyişə bilər.

Qeyri-adi tanışlıq, romantiki təmaslar istisna deyil.

Buğa - peşəkar fəaliyyət sahəsi və maliyyə məsələlərində problem yarana bilər. Situasiya ağırlaşır, proseslər kəskinləşir. Məqsədə çatmaq üçün planlarda ciddi dəyişikliklər etmək gərəkdir.

İndiyədək yalnız bədlik gözlədiyiniz insan sizə yardım edə bilər.

Günün ikinci yarısında etiraflar, diqqət izharları istisan deyil. Rəğbət bəsləmədiyiniz insanlar sizinlə əlaqələr qurmağa çalışırlar. Onların təkliflərini çox incə şəkildə rədd edin. Əks təqdirdə yeni düşmənlər qazana bilərsiniz.

Əkizlər - hər hansı formada risk və ya avantüra yolverilməzdir. Macəralar və ekstremal əyləncələr arzulasanız da, daha təhlükəsiz, normal işlərlə məşğul olun. Səfərə günün ilk yarısında yollanın.

Sükan arxasında 2 saatdan artıq vaxt keçirməyə dəyməz.

Günün ikinci yarısında şəxsi münasibətlərlə bağlı mühüm qərar qəbul etməyin. Planlarınızı kimsəyə açıqlamayın. Saatlar keçdikcə mövqelərinizdə dəyişikliklər olacaq.

Etiraflar naqolay və absurd situasiyalara səbəb ola bilər.

Xərçəng - ekstravaqant, qeyri-adi addımlar atmaq və qərarlar vermək olar. Qarşınıza qoyduğunuz məqsədə bu minvalla çata bilərsiniz. Tanışlıqlar maraqlı olsalar da, perspektivsizdir. Yeni başlayan münasibətlər ciddi olmayacaq.

Günün ikinci yarısında alış-verişlə bağlı dəqiq planlar yoxdursa, bədxərclik etməyə dəyməz. Sizə əsla lazım olmayan əşyalara pul xərcləməyin. Əyləncə və istirahət istəyi sizi dürüst yoldan sapdırmasın.

Şir - günün ilk yarısı bir o qədər də məhsuldar deyil. Qəhrəmanlıq etməyə çalışmayın. Siz Supermen deyilsiniz. Müsbət təmayüllərin təsiri artacaq, gün daha maraqlı olacaq.

Önəm verdiyiniz insanlarla qarşılaşacaqsınız. Onlarla münasibətlərdə irəliləyişlər ola bilər.

Günün ikinci yarısında xoş romantik sürprizlər ola bilər. Son vaxtlar yaranan və sizi narahat edən məsələləri sevdiyiniz insanla müzakirə edə bilərsiniz.

Axşam saatlarında aktiv istirahəti seçin.
 Qız - günün ilk yarısında süst və astagəl olmayın. Təcili həll tələb edən problemin çözülməsini təxirə salmayın. İşlərin ertələnməsi sonradan müşküllərin əsasını qoyacaq. Diqqətli olun. Səhv riski artır. Cari problemlərlə yanaşı, qeyri-adi və mühüm işlərin də öhdəsindən gəlməyə can atın.

Günün ikinci yarısında yaşam tonusunuzun səviyyəsi yüksək olacaq. Bir qədər əvvəl başladığınız və yarımçıq qoyduğunuz işi bitirin.

Axşam saatlarında səfər və ya romantik səyahət pis nəticə verməyəcək.

Fəal olun.

Tərəzi - günün ilk yarısı müzakirələr, diskussiyalar, sövdələşmə və anlaşmalar üçün əlverişlidir. Maliyyə işlərində cəsarətli olun. Risk etsəniz, peşman olmazsınız. İş və biznes, köç və ya fəaliyyət sahəsinin dəyişdirilməsi ilə bağlı problemləri həll etmək mümkündür.

Günün ikinci yarısında müsbət təmayüllərin təsiri şəxsi münasibətlərdə daha qabarıq olacaq. Özünüzü bəxtəvər hesab edəcəksiniz. Axşam saatları sevdiyiniz insanla ünsiyyət üçün əlverişlidir.
 

Əqrəb - yaxşı, xoş gündür. Mühüm olaylar və ciddi dəyişikliklər olmasa da, irəliləyiş istisna deyil. Bədbinliyə qapılmayın. Baş verənlərə rəğmən məqsədə çatmaq üçün yolunuzdan sapmayın. Yaxın ətrafınızdakı insanlar sizə can atırlar.

Günün ikinci yarısında çalışacağınız insanları müəyyənləşdirin.

Əhvalınız pis olmayacaq. Buna rəğmən enerji qıtlığı və ya yorğunluq hiss edə bilərsiniz. İstənilən işdə sonuca nail ola bilərsiniz. Dəf olunmayacaq çətinliklər yaranmayacaq.

Oxatan - istənilən problemin həllinə başlamaq üçün əlverişli zamandır. Təmaslarda xüsusilə diqqətli olun. Yaxın ətrafınızdakı insanları hiss etməyə, onların planlarını təxminləməyə səy göstərin. Qəfil təkliflər ola bilər.

Günün ikinci yarısında maraqlı və perspektiv işlə məşğul olmaq şansı yaranır.

Maliyyə fonu uğursuzdur. Yaranan suallara doğru cavab tapmaq çətindir. Narahat olmayın, məsləhət ala biləcəyiniz insanlar var. Onlara qulaq assanız səhvlərdən qurtula bilərsiniz.

Oğlaq - əvvəllər başladığınız işləri günün ilk yarısında başa vurun. Asan, rəvan zaman deyil. Buna rəğmən dəyərli təcrübə və qiymətli biliklər əxz edə bilərsiniz. Bir zamanlar xətrinizə dəyən, işlərinizə maneələr yaradan, yaxud da sizi əzab çəkməyə vadar edən insanla qarşılaşacaqsınız. Bağışlamağı bacarın. Münasibətləri bərpa edə bilərsiniz.

Təbii ki, bunu istəsəniz.

Günün ikinci yarısı o qədər də uğurlu deyil. Buna rəğmən ciddi problemlər yaranmayacaq. Ehtiyatlı olun, sayıq davranın. Kiçik travmalar riski var. Səhhətinizə fikir verin.
 

Dolça - günün ilk yarısında ehtiyatlı və diqqətli olun. İndi səhv etmək riski çoxdur. Yanlışlıqlar və risklərin fəsadlarının aradan qaldırılması üçün böyük səylər gərək olacaq.

Yalnız tam inandığınız, etibar etdiyiniz insanlar olarsa, yeni işlərə başlamaq olar.

Günün ikinci yarısında səhhətinizdə kiçik problemlər yarana bilər. Tam fiziki və emosional yorğunluq hiss etməmək üçün ağır işlərə başlamayın.

Bir müddət sonra enerji potensialınızın səviyyəsi arta bilər. Axşam saatlarında özünüzü daha yaxşı hiss edə bilərsiniz.

Balıqlar - xoş, rəvan, məhsuldar gündür. Yeni işə başlamaq və problemləri həll etmək istəyirsinizsə, aktiv olun. Bu gün çox işlərin öhdəsindən gələ bilərsiniz.

Qeyri-standart həllər tələb edən məsələlərdə fəal olun. İntuisiyanıza güvənin.

Günün ikinci yarısında bildiyiniz kimi hərəkət edin. Yaxın ətrafınızdakı insanları təəccübləndirə bilərsiniz.

Hadisələrin inkişaf məcrası dürüst yol tutduğunuzu göstərəcək.

Emosional fon stabildir. Əhvalınız pis deyil. Sevdiyiniz insanları sevindirmək və təəccübləndirmək şansını əldən verməyin.

Alış-veriş etmək olar. Ekvstravaqant geyim və yaxud əşya almaq olar.