Pomidor yemək mədə xorasının inkişafına səbəb ola bilər və buna görə də bu tərəvəzi hər kəs, xüsusən də mədə-bağırsaq traktında problemi olan insanlar ehtiyatla istehlak etməlidirlər.

Panarama.az lent.az-a istinadən bildirir ki, bu barədə ABŞ-ın diabet, həzm və böyrək xəstəlikləri milli institutunun araşdırmasında deyilir.

Mütəxəssislər qeyd edirlər ki, amerikalıların 6 faizə qədəri mədə xorası və ya peptik xoradan əziyyət çəkir. Bəzi insanlar xoşagəlməz mədə-bağırsaq əlamətləri olan xoralarla qarşılaşırlar və bu, pomidor kimi bəzi qidalar yeyilməsi səbəbindən daha da pisləşə bilər.

"Mədə-bağırsaq traktında turşu yığılması mədə xorasının inkişafına kömək edir, tərkibində yüksək turşu olan qidalar bu yığılmanı artırır və pomidor bu qidalardan biridir", - ekspertlər izah edirlər.

Onlar həmçinin xəbərdarlıq edirlər ki, pomidor mədə xorası inkişaf riskini artıra və onsuz da bu xəstəliyi olanlarda vəziyyəti daha da pisləşdirə bilər.

"Əgər pomidor mütəmadi olaraq mədə problemi yaradırsa, onları rasionunuzdan çıxarın. Mədə xorası olan insanlar üçün faydalı qidalar var, məsələn, tərkibində probiotiklər olanlar - tempe, kimçi və ya qatıq.

Pomidordan fərqli olaraq, qırmızı bolqar bibəri başqadır. əla seçimdir, çünki o, mədə xoralarına qarşı qoruyucu xüsusiyyətlərə malik ola bilər", - alimlər yekunlaşdırırlar.