Quba-Xaçmaz yolunun Zərdabi qəsəbəsindən keçən hissəsində "VAZ 2106" markalı minik avtomobili ilə Quba-Zərdabi marşrut xətti üzrə işləyən "Mercedes" markalı mikroavtobus toqquşub.

Panarama.az Lent.az-a istinadən xəbər verir ki, bu barədə DİN-in Mətbuat Xidmətinin Quba regional qrupundan məlumat verilib.

Hadisə nəticəsində yeddi nəfər müxtəlif dərəcəli xəsarətlər alıb.

Onlar Quba Rayon Mərkəzi Xəstəxanasına yerləşdiriliblər.

Xəsarət alanların adları aşağıdakı kimidir:

Fəqan Zalov (14 yaş);

Elxan Zalov (32 yaş);

Tərlan Zalov (29 yaş);

Roman Bağırov (26 yaş);

Fidan Əhmədli (17 yaş);

Vüsalə Həsənova (40 yaş);

Aişə Kərimova (20 yaş).

Faktla bağlı Quba Rayon Polis Şöbəsinin təhqiqat bölməsində araşdırmalar aparılır.