Hindistanın Uttar-Pradeş ştatının Kanpur şəhərindən olan 21 yaşlı tələbə qız valideynlərindən pul qoparmaq üçün özünün oğurlandığını imitasiya edib.

Panarama.az lent.az-a istinadən bildirir ki, bu barədə "The Times of India" məlumat yayıb.

Hansika Verma avqustun 4-də evi tərk edib. Daha sonra o, valideynlərinə üzünə şərf bağlayaraq qaçırıldığını iddia etdiyi video göndərib. Bundan sonra qızın şəriki 22 yaşlı Rac adlı şəxs narahat olan valideynlərə zəng edərək bir milyon rupi tələb edib.

Lakin plan baş tutmayıb. Polis Hansika və Racı həbs edib.