İnsanın yaşından asılı olmayaraq onun arterial təzyiqi 120/80 c.st.-dan yuxarı qalxırsa, vaxt itirmədən  həkimə müraciət etmək və lazım olan müayinələrdən keçmək lazımdır.

Panarama.az  xəbər verir ki, bu hipertoniya xəstəliyini vaxtında aşkar etməyə kömək edəcək.

Hipertoniya çox ciddi və təhlükəli pozulmadır, gizli inkişaf edir, uzun müddət ərzində özünü heç bir simptomla büruzə vermir və çox ağır pozulmaların inkişafına (infarkt, insult, böyrək, göz xəstəlikləri və s.) səbəb olur.

Əgər təzyiqiniz qalxıb, lakin həkimə müraciət etməyə hər hansı səbəbə görə imkanınız yoxdursa (məsələn, səyahətdə olanda və s.), təzyiqi salmaq üçün bu sadə üsuldan istifadə edin.

Yarım stəkan sirkəni (alma, üzüm sirkəsi) yarım stəkan su ilə qarışdırın, bu qarışıqda dəsmalı isladın və dəsmalın üzərinə pəncələrinizi qoyub 15-20 dəqiqə bu vəziyyətdə qalın. Bu sadə üsul təzyiqi salmağa kömək edəcək.

Lakin bir daha vurğulayırıq ki, arterial təzyiqin qalxması həkimə müraciət etmək üçün ciddi səbəb sayılır və ilk imkan yarandıqda bunu mütləq etmək lazımdır.